ប្រជុំពិភាក្សា រវាងក្រុមប្រឹក្សាយុវជនគ្រឹះស្ថានឧត្ដមសិក្សា​ នៃស.ស.យ.ក​. និងសមាគមគ្រឹះស្ថានឧត្ដមសិក្សាកម្ពុជា!

ភ្នំពេញ​ ៖​ កិច្ចប្រជុំនេះមានគោលបំណងចំនួនពីរសំខាន់។ ទី១​ ដេីម្បីផ្សព្វផ្សាយអំពីក្រុមប្រឹក្សាយុវជនគ្រឹះស្ថានឧត្ដមសិក្សា​ (ក.យ.គ.)​ នៃស.ស.យ.ក.។ ទី២​ ដេីម្បីស្នេីសុំការគាំទ្រ​ និងកិច្ចសហការពីសមាគមគ្រឹះស្ថានឧត្ដមសិក្សាកម្ពុជា​ ក្នុងន័យរួមគ្នាធ្វេីសកម្មភាពអភិវឌ្ឍយុវជន។ នេះជាប្រសាសន៍បេីកកិច្ចប្រជុំពិភាក្សារបស់​ ឯកឧត្ដម​ ស​ សុខា​ ប្រធានក្រុមប្រឹក្សាយុវជនគ្រឹះស្ថានឧត្ដមសិក្សា​ នៃស.ស.យ.ក​.​ តំណាងដ៏ខ្ពង់ខ្ពស់របស់ឯកឧត្ដម​ ហ៊ុន​ ម៉ានី​ ប្រធានសហភាពសហព័ន្ធយុវជនកម្ពុជា​ (ស.ស.យ.ក.)​ នាព្រឹកថ្ងៃទី១៤​ ខែកក្កដា​ ឆ្នាំ២០២១​ តាម​កម្មវិធី​ Zoom។ 

ក្នុងនាមប្រធានគណៈប្រតិបត្តិនៃសមាគមគ្រឹះស្ថានឧតម្ដសិក្សាកម្ពុជា​ ឯកឧត្ដម​ បណ្ឌិត​ លី​ ឆេង​ បានសម្ដែងការសាទរចំពោះវត្តមានក្រុមប្រឹក្សាយុវជនគ្រឹះស្ថានឧត្ដមសិក្សា​ នៃស.ស.យ.ក.។ ក្នុងនាមផ្ទាល់ខ្លួន​ និងសមាគមជារួម​ ក៏ដូចជាបណ្ដាគ្រឹះស្ថានឧត្ដមសិក្សាឯកជនជាសមាជិកទាំង១១៨​ ឯកឧត្ដម​ ប្ដេជ្ញាគាំទ្រ​ និងចូលរួមសហការគ្រប់សកម្មភាព​ ដេីម្បីសម្រេចគោលដៅអភិវឌ្ឍធនធានមនុស្សជាយុទ្ធសាស្រ្តរបស់រាជរដ្ឋាភិបាល។ 

មិនខុសគ្នាពីនេះ​ ក្នុងនាមប្រធានក្រុមប្រឹក្សាភិបាលនៃសមាគមគ្រឹះស្ថានឧត្ដមសិក្សាកម្ពុជា​ ឯកឧត្ដម​ បណ្ឌិត​ ហេង​ វណ្ណដា​ ថ្លែងស្វាគមន៍ទទួលយកការស្នេីធ្វេីកិច្ចសហការយ៉ាងជិតស្និទ្ធជាមួយក្រុមប្រឹក្សាយុវជនគ្រឹះស្ថានឧត្ដមសិក្សា។ ឯកឧត្ដម​ សង្កត់ធ្ងន់ថា​ នេះជាការផ្ដល់តម្លៃ​ និងមេីលឃេីញនូវតួនាទីដ៏សំខាន់របស់សមាគម។ ជាងនេះ​ ឯកឧត្ដម​ ចាត់ទុកថា​ នេះជាការភ្ជាប់ទំនាក់ទំនងដ៏មានប្រសិទ្ធភាពរវាងអង្គទាំងពីរ ដែលពុំដែលមានពីមុនមក​ ឈរលេីស្មារតីលេីកកម្ពស់គុណភាពយុវជនកម្ពុជា។ 

បន្ទាប់ពីបានស្ដាប់ការលេីកឡេីងរបស់ឯកឧត្ដមទាំងពីររូបយ៉ាងយកចិត្តទុកដាក់​ ឯកឧត្ដម​ សុខា​ ប្រធានក្រុមប្រឹក្សាយុវជនគ្រឹះស្ថានឧត្ដមសិក្សានៃស.ស.យ.ក​. បានថ្លែងអំណរគុណដោយស្មោះ​ និងយ៉ាងជ្រាលជ្រៅចំពោះថ្នាក់ដឹកនាំសមាគមទាំងពីររូប​ ព្រមទាំងថ្នាក់ដឹកនាំតាមគ្រឹះស្ថានឧត្ដមសិក្សាឯកជនទាំងអស់​ ដែលតម្កល់ផលប្រយោជន៍រួម​ ប្ដេជ្ញាគាំទ្រ​ និងចូលរួមកិច្ចសហការជាប្រវត្តិសាស្ត្រមួយនេះ។ ទន្ទឹមនេះ​ ឯកឧត្ដម​ប្រធាន​ ស​ សុខា​ ក៏ទទួលយកនូវមតិ​ និងសំណូមពរនានា​ ដេីម្បីគោរពជូនឯកឧត្ដម​ ហ៊ុន​ ម៉ានី​ ជាប្រធានសហភាពសហព័ន្ធយុវជនកម្ពុជា​ បានជ្រាបផងដែរ។ 

អត្ថបទ​ ៖​ ទូ​ច សុឃៈ​ (សុខៈ)

ព័ត៌មានផ្សេងៗទៀត

ព័ត៌មានសំខាន់ៗ

បន្ទាប់ពីចិន មានតែកម្ពុជាទេដែលប្រើឱសថបុរាណចិនព្យាបាលកូវីដ-១៩?

ឱសថបុរាណចិន Lianhua Qingwen ត្រូវបានក្រសួងសុខាភិបាលកម្ពុជាបើកភ្លើងខៀវឱ្យចរាចរលើទីផ្សារកាលពីខែមេសាកន្លង។ ឱសថបុរាណនេះ ក៏ត្រូវបានក្រសួងសុខាភិបាលប្រើប្រាស់ជាផ្នែកមួយនៃមធ្យោបាយព្យាបាលអ្នកជំងឺកូវីដ-១៩ដែរ។ តើបន្ទាប់ពីចិន មានតែកម្ពុជាទេដែលប្រើឱសថបុរាណ Lianhua Qingwen នេះ? បើតាមលោកជំទាវ ឱ

ទទួលយកព័ត៌មានថ្មីៗ

បំពេញអ៊ីមែលរបស់លោកអ្នកដើម្បីទទួលយកព័ត៌មានថ្មីៗពី សសយក

ព័ត៌មានអំពី COVID-19

ព័ត៌មានពេញនិយម

បេសកកម្ម

មាន​គោល​បំណង​ដើម្បី​ជួយ​បណ្តុះ​បណ្តាល​យុវជន​កម្ពុជា​ឱ្យ​ក្លាយ​ទៅ​ជា​សសរ​ទ្រូង និង​ជា​ឆ្អឹង​ខ្នង​នៃ​ប្រទេស​ជាតិ

ចក្ខុវិស័យ

មាន​គោល​បំណង​ដើម្បីជួយ​បណ្តុះ​បណ្តាល​យុវជន​កម្ពុជា​ឱ្យ​ក្លាយ​ទៅ​ជា​សសរ​ទ្រូង និង​ជាឆ្អឹង​ខ្ន​ង​នៃ​ប្រទេស​ជាតិ

អំពីយើង

ស.ស.យ.ក រណសិរ្ស​ទូលំ​ទូលាយ​របស់​យុវជន​កម្ពុជា​ដែល​បន្ត​សកម្មភាព​ពី​សមាគម​យុវជន​កម្ពុជា និង​សមាគម​យុវជន​សាមគ្គី​សង្គ្រោះ​ជាតិ​កម្ពុជា​

scroll to top