តើអ្នកកំពុងចង់សិក្សា ជំនាញវិទ្យាសាស្ត្រកសិកម្ម មែនទេ?

វិស័យកសិកម្មបាន និងកំពុងដើរតួនាទីយ៉ាងសំខាន់ក្នុងការជួយជំរុញដល់កំណើតសេដ្ឋកិច្ចរបស់ កម្ពុជាខណៈដែលរាជរដ្ឋាភិបាលបាននិងកំពុងធ្វើពិពិធកម្មលើវិស័យនេះ។ ដើម្បីសម្រេចបាន នូវផែនការទំនើបកម្មក៏ដូចជាការធ្វើពិពិធកម្មលើវិស័យកសិកម្មនេះ ការបណ្តុះបណ្តាល ធនធានមនុស្សគឺជាកត្តាដែលមិនអាចខ្វះបាន។

នៅថ្ងៃនេះ គេហទំព័រ HEYC សូមបង្ហាញជូននូវជំនាញមួយទៀតសម្រាប់ជាមូលដ្ឋានក្នុងការជ្រើសរើស របស់សិស្សានុសិស្សក្រោយពេលបញ្ចប់បាក់ឌុប នោះគឺជំនាញ ជំនាញវិទ្យាសាស្ត្រកសិកម្ម។

សូមចុចអាន៖ ស្វែងយល់អំពី ជំនាញគ្រប់គ្រងធនធានមនុស្ស!

ដើម្បីអាចសិក្សាជំនាញនេះ បានបេក្ខជនត្រូវមានចំណេះដឹងមូលដ្ឋានលើមុខវិជ្ជា៖គីមីវិទ្យា និងជីវវិទ្យា។

និស្សិតត្រូវចំណាយពេលសិក្សា៤ឆ្នាំស្នើនឹង១៦០ក្រេឌីត ដើម្បីទទួលបានសញ្ញាបត្រថ្នាក់ បរិញ្ញាបត្រលើជំនាញនេះ។

ក្រោយពេលបញ្ចប់ការសិក្សា៤ឆ្នាំ និស្សិតនឹងទទួលបានចំណេះដឹងដូចជា៖

ផ្នែកវិទ្យាសាស្ត្រដី៖ 

  • ដឹងពីប្រភពកំណរកំណើតនិងវិភាគលើលក្ខណៈរូប-គីមីនៃដី
  • យល់ដឹងពីការប្រើប្រាស់ដីកសិកម្មនិងប្រព័ន្ធកសិកម្មចំរុះ
  • យល់ដឹងពីការប្រើប្រាស់ជីគីមីនិងជីធម្មជាតិតាមលក្ខណៈបច្ចេកទេស

ផលិតកម្មដំណាំ

  • យល់ដឹងពីលក្ខណៈជីវសាស្ត្រ និងសារធាតុចិញ្ចឹមរបស់ដំណាំ បច្ចេកទេសដាំដុះ ការរក្សាទុក ការកែច្នៃផលិតផល។
  • យល់ដឹងពីបច្ចេកទេសបង្កាត់ពូជ ការផ្សាំនិងការរក្សាទុកពូជ
  • យល់ដឹងពីការជ្រើសរើសដំណាំតាមស្ថានភាពដីនិងអាកាសធាតុ។
មុននឹងសម្រេចចិត្តរៀនជំនាញ វិទ្យាសាស្រ្តកសិកម្ម គួរសិក្សាពីចំណុចសំខាន់ៗទាំងនេះ ជាមុនសិន

ការការពារដំណាំ

  • យល់ដឹងពីលក្ខណៈជីវសាស្ត្ររបស់សត្វល្អិត ស្គាល់ពីសត្វល្អិតមាន ប្រយោជន៍ និងសត្វបំផ្លាញ
  • ដឹងពីជំងឺរុក្ខជាតិ វិធានការការពារនិងបំផ្លាញសត្វចង្រៃ
  • ដឹងពីបច្ចេកទេសប្រើប្រាស់ថ្នាំពុលគីមីនិងធម្មជាតិ

មូលដ្ឋានឬអង្គភាពដែលអ្នកមានជំនាញផ្នែកនេះអាចទៅបម្រើការងារ៖

  • តាមក្រសួង ស្ថាប័ន(ក្រសួងកសិកម្ម) ក្រុមហ៊ុននិងអង្គការនានា
  • អ្នកបណ្តុះបណ្តាល សាស្ត្រាចារ្យនៅតាមវិទ្យាស្ថានឬមហាវិទ្យាល័យ
  • អ្នកស្រាវជ្រាវនិងផ្សព្វផ្សាយបច្ចេកទេសកសិកម្មដល់សហគមន៍ និង ធ្វើអាជីវកម្មផ្ទាល់ខ្លួន។

ប្រភព៖ សៀវភៅមគ្គុទេសក៏ សម្រាប់ការជ្រើសរើសគ្រឹះស្ថានសិក្សា និង មុខជំនាញបន្ដការសិក្សានៅកម្រិតឧត្តមសិក្សា

ព័ត៌មានផ្សេងៗទៀត

ព័ត៌មានសំខាន់ៗ

បន្ទាប់ពីចិន មានតែកម្ពុជាទេដែលប្រើឱសថបុរាណចិនព្យាបាលកូវីដ-១៩?

ឱសថបុរាណចិន Lianhua Qingwen ត្រូវបានក្រសួងសុខាភិបាលកម្ពុជាបើកភ្លើងខៀវឱ្យចរាចរលើទីផ្សារកាលពីខែមេសាកន្លង។ ឱសថបុរាណនេះ ក៏ត្រូវបានក្រសួងសុខាភិបាលប្រើប្រាស់ជាផ្នែកមួយនៃមធ្យោបាយព្យាបាលអ្នកជំងឺកូវីដ-១៩ដែរ។ តើបន្ទាប់ពីចិន មានតែកម្ពុជាទេដែលប្រើឱសថបុរាណ Lianhua Qingwen នេះ? បើតាមលោកជំទាវ ឱ

ទទួលយកព័ត៌មានថ្មីៗ

បំពេញអ៊ីមែលរបស់លោកអ្នកដើម្បីទទួលយកព័ត៌មានថ្មីៗពី សសយក

ព័ត៌មានអំពី COVID-19

ព័ត៌មានពេញនិយម

បេសកកម្ម

មាន​គោល​បំណង​ដើម្បី​ជួយ​បណ្តុះ​បណ្តាល​យុវជន​កម្ពុជា​ឱ្យ​ក្លាយ​ទៅ​ជា​សសរ​ទ្រូង និង​ជា​ឆ្អឹង​ខ្នង​នៃ​ប្រទេស​ជាតិ

ចក្ខុវិស័យ

មាន​គោល​បំណង​ដើម្បីជួយ​បណ្តុះ​បណ្តាល​យុវជន​កម្ពុជា​ឱ្យ​ក្លាយ​ទៅ​ជា​សសរ​ទ្រូង និង​ជាឆ្អឹង​ខ្ន​ង​នៃ​ប្រទេស​ជាតិ

អំពីយើង

ស.ស.យ.ក រណសិរ្ស​ទូលំ​ទូលាយ​របស់​យុវជន​កម្ពុជា​ដែល​បន្ត​សកម្មភាព​ពី​សមាគម​យុវជន​កម្ពុជា និង​សមាគម​យុវជន​សាមគ្គី​សង្គ្រោះ​ជាតិ​កម្ពុជា​

scroll to top